Mimmi oon tyär. Mimmi oon kakstoista vuotta.
Mimmi assuu Svansteinissä. Mimmi käypii kuuenessa luokassa Svansteinin koulussa.
Mimmi tykkää tansata ja aijaa krossipyörää.
Mimmin parhaat kaverit oovat Ella, Sanna ja Mikke.
Ella ja Mikke käyvät sammaa luokkaa ko Mimmi.
Sanna oon vuotta vanhempi ja assuu krannitalossa. Mimmi ja Sanna oon olheet kaverit pienestä saakka.Net käyvät paljon toisten tykönä ja kuuntelevat useasti musiikia yhessä.
Miken kans Mimmi aijaa krossipyörää kerran viikossa ja välistä net käyvät kilpailussa viikonloppuna.
Mimmi ja Ella träänavat tanssia joka maanantai.
Mimmin mamma oon Carina, 42 vuotta. Papan nimi oon Jonny, ja hään oon 45 vuotta.
Mimmilä oon kaks velimiestä. Ville oon viistoista vuotta ja käypii yheksänessä luokassa. Viktor käypii toisessa luokassa jymnaasiessa.
Mimmin mamma oon opettaja. Pappa Jonny oon kaupassa töissä.
Mimmi assuu talossa aivan tien vieressä keskelä kyllää. Talo oon keltanen ja aika iso.
Talossa oon neljä kamaria, sali, pikku tv-huone ja kööki. Siinä on kans kaks tualettia ja pyykihuone.
Kartanolla oon sauna.
Nyt oon lauantai ja kaikki oovat kotona. Mamma ja Viktor pesevät piiliä. Pappa lämmittää saunaa. Mimmi ja Ville putsaavat Mimmin krossipyörää.